Риёд расмийларига кўра, чоршанба куни ярим тунда хожиларни қабул қилиш ишлари тўхтатилади. Саудия Арабистони Фуқаролик авиацияси эълон қилган баёнотга кўра, белгиланган муддатдан кейин Саудияга хожилар олиб келган ҳар қандай самолётга 200 минг риёл, яъни 53 минг АҚШ доллари ҳажмида жарима солинади. Тартибни бузган самолёт жарима пули тўланмагунича ушлаб турилади. Хожиларнинг денгиз орқали Саудияга келишлари сешанба куни ярим тунда тугади. Хожилар 8 январ куни муқаддас Хаж амалларини бажаришга киришади.
