Киев маҳкамаси Украина парламенти раиси Володимир Литвин даъвосини ҳақли деб топди.

Литвин давлат хавфсизлик хизматининг собиқ зобити Николай Мелниченко ор-номусимни топтади дея судга шикоят қилган эди. Мелниченкога кўра¸ парламент раиси Литвин журналист Гонгадзе ўлимига алоқадор. Литвин Гонгадзени маиший сабабларга кўра ўлдирган бўлиши мумкин, деган эди Мелниченко.
Маҳкама бу айбловни асоссиз ва ҳақиқатдан узоқ деб топди. Маҳкама қарорига кўра¸ Мелниченко Литвиндан узр сўраши ва товон тўлаши лозим.