Араб тилидаги “Ал-Жазира” телевидениеси орқали кўрсатилган видеолавҳада жанггарилар ўз талаблари бажарилмаса, гаровдаги икки канадалик, бир нафар АҚШ ва бир британиялик, жами тўрт хорижлик фуқаро қатл этилиши тўғрисида огоҳлантирган. Маълумотларга кўра, Бош қароргоҳи АҚШнинг Чикаго шаҳрида жойлашган “Насроний тинчлик ўрнатувчилари” ташкилоти вакиллари ўтган йил 26 ноябрда қуролли гуруҳ томонидан ўғирланган.
