Қозоғистон мухолифати раҳбарларидан бири Олтинбек Сарсенбаев (суратда) отиб ўлдирилгани юзасидан ўтказилаётган текширувда АҚШ Федерал тергов бюроси мутахассислари иштирок этади.

Қозоғистон Ички ишлар вазири Бауржан Муҳамеджанов пайшанба куни кечқурун шуни маълум қилди. 11 февралда бедарак йўқолган Сарсенбаев шу ҳафта бошида Алмати ташқарисида ўлик ҳолда топилган эди. Ички ишлар вазирига кўра, АҚШ Федерал тергов идораси мутахассисларининг қидирув-тергов жараёнида иштирок этиши унинг ошкоралигини таъминлайди.