Серқуëш Ўзбекистоним коалицияси мувофиқлаштирувчиси Нодира Ҳидоятова 10 йилга қамалганидан беш кун ўтиб¸ мазкур коалиция раҳбари Санжар Умаров Тошкент шаҳар суди ҳукми билан 10 йилу 8 ойга озодликдан маҳрум этилди. Умаров оғир иқтисодий жиноятлар¸ хусусан пул ювиш¸ солиқ тўлашдан бош тортиш каби қилмишларда айбдор деб топилди. Ҳидоятова ва Умаров тарафдорлари бу жазонинг улар сиëсий фаолияти учун берилганини таъкидлашмоқда.
