Европада хавфсизлик ва ҳамкорлик ташкилотининг оз сонли миллатлар масалалари бўйича мутасаддиси Ролф Экеус Туркманистон расмийлари билан учрашув ўтказмоқда.

Туркманистон президенти Сапармурод Ниёзов билан 6 март куни учрашган Экеус минтақавий хавфсизлик ва барқарорлик масалаларини муҳокама қилди. Ашхободга ташрифи чоғида ЕХҲТ вакили Туркманистон Ташқи ишлар ва Маориф вазирлари билан ҳам учрашади. Ролф Экеус 7 март куни Туркманистон шарқида жойлашган Лебоп вилоятига боришни режалаган.