Россия Ташқи ишлар вазирлари ўринбосари Сергей Кисляк Эроннинг ядровий дастури борасидаги БМТ Хавфсизлик кенгашида муҳокама қилинаётган резолюция лойиҳасига “жиддий ўзгартиш” киритилиши кераклигини айтди.

Бу ҳақда Россия ахборот агентликлари хабар берди. Хавфсизлик кенгаши аъзолари Британия ва Франция таклиф қилган резолюция лойиҳасини шанба куни ҳам муҳокама қилмоқда. АҚШнинг БМТдаги элчиси Жон Болтон АҚШ резолюция лойиҳасини қандай қилиб ўзгартириш ҳақида Россия ва Хитой вакиллари фикрини эшитишга тайёрлигини билдирди.