Жаҳон футбол федерацияси - FIFA футбол бўйича дунё кубогининг Германияда ўтказиладиган финал ўйинларида ҳакамлик қиладиган 23 мамлакатнинг 21 нафар ҳакам рўйхатини эълон қилди.

Гватемала, Юнонистон ва испаниялик ҳакамлар FIFA рўйхатига киритилмаган. Бунга уларнинг жароҳати ёки жисмоний синовдан ўта олмаганлиги сабаб бўлган. Шу боис улар ўрнини Италия, Испания ва мексикалик бошқа ҳакамлар эгаллаган. Футбол бўйича дунё кубогининг финал ўйинлари 9 июн куни бошланади.