Россия хавфсизлик кенгаши котиби Игор Иванов эронлик ҳамкасби Али Ларижоний билан беш соат давомида музокара олиб борди.
Эрон миллий хавфсизлик олий кенгаши эълон қилган баёнотда, икки томон Эрон ядровий масаласини дипломатик йўл билан ҳал этиш тарафдори экани ва бу борада ишлашда давом этажаги айтилади.
Россия БМТнинг Эронга нисбатан санкциялар жорий этишига қарши чиқмоқда.
Келаси чоршанба куни Ислом конференцияси ташкилоти раиси Акмалиддин Эҳсон ўғлининг Эронга бориши ҳамда Теҳрон ва Ғарб ўртасидаги музокараларда воситачилик қилишни таклиф этиши кутилмоқда.
Якшанба куни Эрон олий руҳонийси Оятуллоҳ Али Хаменейи Теҳрон ўз ядровий дастуридан воз кечмаслигини яна бир бор таъкидлади.