Германия Ташқи ишлар вазирлиги Эрон бош вазири ўринбосари Муҳаммад Алиободийга мамлакатга кириш визасини берди.

Эрон томони М.Алиободий Германияга расмий шахс сифатида эмас, балки жума куни бошланадиган футбол бўйича жаҳон чемпионатига оддий томошабин бўлиб бораётганини таъкидламоқда.
Бундан аввалроқ Эрон президенти Маҳмуд Аҳмадийнажот ҳам жаҳон чемпионатига томошабин сифатида бориш истагини билдирган эди. Бироқ унинг бориши Германияда хавфсизликни таъминлаш чоғида қўшимча муаммо туғдириши мумкинлиги айтилмоқда.