Озодлик радиосининг Тошкентдаги бюроси Ўзбекистон ҳукумати томонидан ёпилгани боис фаолиятини тўхтатган мухбиримиз Носир Зокирнинг уйига 12 июл куни маҳаллий вақт билан соат 17ларда Наманган судининг ижрочилари келиб, унинг оиласига тегишли жиҳоз ва анжомларни хатлаб кетган. Суд ижрочиларига кўра, беш кун ичида Носир Зокир, унинг ўғлига солинган 940 минг сўм миқдоридаги жаримани тўламаса, хатланган мулк мусодара этилиши мумкин.
