Белорус социал-демократлар партияси лидери Александр Козулин беш ярим йилга озодликдан маҳрум этилди.

Минск суди уни оммавий тартибсизликни уюштирганлик ва безориликда айблади. Бунда гап 25 марта ўтказилган мухолифат намойиши ҳақида бормоқда.
Белорус мухолифати етакчисининг рафиқаси Ирина Козулина шундай маълум қилди: “Биз ҳукм устидан аппеляция тартибида шикоят қиламиз. Бизнинг ягона умидимиз халқаро жамоатчилик ва суддир. Чунки, ишончим комил, биз ўз мамлакатимизда адолатга эриша олмаймиз”.