Жанубий Кореянинг гуманитар ёрдам кўрсатувчи ташкилоти Шимолий Корея тарихидаги энг мудҳиш, дея аталаётган сув тошқинлари оқибатида ўн минггача одам нобуд бўлгани ёки бедарак йўқолган бўлиши мумкинлигини билдирди.

“Good Friends” ташкилоти келтирган рақам Шимолий Корея ҳукумати эълон қилганидан анча кўп. Гуманитар ташкилотнинг яна маълум қилишича, икки ҳафта ёққан ёмғирдан сўнг Шимолий Кореянинг бази минтақаларида безгак тарқалмоқда.