Ўзбекстон ҳукумати нуқтаи назарини ифодаловчи “Пресс-уз.инфо” сайти тарқатган хабарга кўра, Адлия вазирлиги АҚШнинг мамлакатда 1992 йилдан буён фаолият юритиб келаётган “Крослинк девелопмент интернейшнл” ташкилоти ваколатхонасининг ёпилишини сўраб, судга мурожат қилган.

Вазирлик бу ташкилотни миссионерлик фаолияти билан шуғулланиш билан бир қаторда рўйхатдан ўтиш тартибини бузишда ҳам айбламоқда.
Адлия вазирлиги ташкилотни одамларга нақд пулда қарз берганликда ҳам гумон қилмоқда.
“Крослинк девелопмент интернейшнл” ташкилоти ўзбек қишлоқларидаги қашшоқ оилаларга ўз тадбиркорлик фаолиятини бошлаши учун кредит бериш билан шуғулланган.