Бугун БМТнинг уруш жиноятлари бўйича бош прокурори Карла дел Понтенинг 1995 йилда минглаб босниялик мусулмонларнинг қатлиом қилинишга алоқаси борлиги айтилаётган етти нафар ҳарбийга айблов эълон қилиши кутилмоқда.

Босния сербларидан бўлган етти зобитнинг биргаликда маҳкамага тортилиши кутилмоқда. Айбланувчиларнинг беш нафари 7мингдан ортиқ эркак ва болаларнинг қатлиом қилинишига алоқаси борлиги тахмин этилиб, геноцидда айбланмоқда. Яна икки айбланувчи уруш жиноятлари ва инсониятга қарши жиноятларда айбланмоқда. Еттовлон ўз айбларини инкор этмоқда.