Ҳьюман райтс уотч инсон ҳуқуқлари ташкилоти ўтган ҳафта Қирғизистонда бедарак йўқолган ўзбекистонлик қочқинлар тақдиридан хавотир билдирмоқда.

Сиёсий қочқин мақомини кутаётган тўрт нафар андижонлик ўтган йили 13 майда содир бўлган воқеалардан кейин қўшни Қирғизистонга қочиб ўтган.
Ҳьюман райтс уотч тарқатган баёнотда, қочқинлар Ўзбекистонга қайтариб берилгани ва уларнинг ҳаёти хавф остида бўлиши мумкинлигидан хавотир билдирилади.
Баёнотда шунингдек халқаро ҳамжамияти Қирғизистон ҳукуматига қочқинларни ҳимоя қилиш борасида босим ўтказишга чақирилади.