Қирғизистон президенти Қурманбек Бақиев мухолифат етакчиси Умирбек Текебоевнинг ўтган ҳафтада Варшавада ҳибсга олиниши ортида мамлакатдаги вазиятни издан чиқаришдан манфаатдор кучлар турганини таъкидлади.

У мазкур воқеа юзасидан батафсил тергов ўтказилишини ваъда қилди.
У.Текебоев ўтган чоршанба куни Польша пойтахти аэропортида унга тегишли юклар ичидан героин топилгандан кейин ҳибсга олинган эди. Воқеадан бир кун ўтиб, Польша суди унга қўйилган айбловларни инкор этиб, қирғиз мухолифатчисини озод этди.