Ташкилотнинг Варшавадаги Демократик ташкилотлар ва Инсон ҳуқуқлари идораси матбуот вакили Урдур Гуннарсдоттир Озодлик радиосига мутахассислар Тожикистондаги вазиятни ўрганаётганини айтди: “Ташкилотимиз икки ҳафта олдин Тожикистонга ўз мутахассисларини жўнатган. Улар ноябр ойида ўтказиладиган президентлик сайловини кузатиш учун нималар зарурлигини ўрганадилар. Улар ўз ҳисоботини тугаллаяпти. У келаси ҳафта охири ёки кечи билан ундан кейинги ҳафтада тайёр бўлади. Ҳисоботда бу сайловни кузатиш ёки кузатмаслик ҳақида тавсия берилади. Агар кузатиш керак бўлса, Тожикистонга қанча вакил жўнатиш кераклиги билдирилади”, – деди ЕХҲТ вакили Урдур Гуннарсдоттир.
