Террор ҳужуми уюштирилиши мумкинлиги ҳақида маълумот олинганидан кейин Чехия пойтахти Прагада хавфсизлик чоралари кучайтирилди.

Бош вазир Мирек Тополанекнинг айтишича, шанбага ўтар кечаси Чехия ҳукумати йиғилиши бўлган. Унда хавфсизлик чораларини кўриш ҳақида қарор қабул қилинган.
М.Тополанек эълон қилган баёнотда террор ҳужуми таҳдиди хориждаги шу каби таҳдид билан боғлиқ экани билдирилган. 23 сентябрь куни Прага шаҳрининг тарихий марказига қуролли полиция кучлари жойлаштирилди.