“Амнести интернешнл” ташкилоти Эронда бошланган қама-қамалар тўлқинидан хавотир билдирди ва Эрон ҳукуматини тинч йўллар билан ўз ҳуқуқларини талаб қилувчи инсонларни таъқиб қилмасликка чақирди.

Ташкилотнинг маълум қилишича, сўнгги бир неча кун ичида инсон ҳуқуқлари ҳимоячилари ва ҳукумат олиб бораëтган сиëсатни танқид қилувчилар ҳибсга олинган.
Ташкилот, шунингдек, мамлакатдаги таниқли ҳуқуқ ҳимоячиси Али Акбар Мусавийнинг асоссиз ҳибсга олинганидан хавотир билдирди.