Икки томондан жами 500 нафар аскар қатнашаётган машқларда Россияга қарашли жанговар учқичлар ҳам иштирок этиши режаланган. Қирғизистон ва Россия Мудофаа вазирлари кузатадиган ушбу машқлар 5 октябр куни тугайди. Россия Мудофаа вазири Сергей Иванов 3 октябр куни Бишкекка борди. Чоршанба куни Иванов Қирғизистон Бош вазири Феликс Қулов ва Мудофаа вазири Исмоил Исоқов билан музокара ўтказиши кутилмоқда.
