Покистон расмийлари Афғонистон билан чегарадош бўлган Балучистон вилоятида толиблар жанггариси эканликда гумон қилинган 45 нафар шахсни қўлга олди.

Полиция вакили Юнус Хон айтганига асосланиб Франс пресс ахборот агентлигининг маълум қилишича, улар вилоятнинг турли туманларида қўлга олинган.
Афғонистон ҳукумати, АҚШ ҳарбийлари ва НАТОнинг Афғонистондаги кучлари Исломобод расмийларни Покистондан Афғонистонга ўтиб террор ҳужумлари уюштираётган жанггариларни қўлга олишга анча вақтдан бери чақириб келаётган эди.