Ўзбекистондаги суд Британиянинг "Oxus” ва Ўзбекистон ҳукумати бирга ташкил этган олтин қазиб чиқарувчи қўшма корхона давлатга 224 миллион доллар қарздор экани ҳақида қарор чиқарди.

"Oxus” компанияси жарима борасида Ўзбекистон ҳукумати билан музокара олиб борилаётгани ва суд қарори юзасидан юқори идораларга шикоят аризаси билан мурожаат қилишини билдирди. Сўнгги пайтларда Ўзбекистон ҳукумати табиий бойликларни ўзлаштираётган хорижий ширкатларнинг молиявий даромадини текширишни кучайтирган.