Сўровларга кўра, чап қанотдаги Сандиниста миллий озодлик фронти етакчиси Даниэль Ортеганинг ғалаба қозониши башорат қилиняпти. Ҳукуматга 16 йил давомида мухолиф бўлган Ортега “ёввойи капитализмга” чек қўйиш ниятида эканини, лекин бозор иқтисодиёти ва ҳорижий сармояларга қарши эмаслигини айтмоқда. Унга Ҳарвард университетида таълим олган банкир Эдуардо Монтелегре асосий рақиб, деб кўрилмоқда.
