АҚШнинг Республикачилар ҳамда Демократлар партиялари шу соатларда Конгрессга бугун бўлиб ўтадиган сайловда муваффақият қозониш учун сайловчиларни ўзлари томонга оғдиришга сўнгги уринишларини қиляптилар.

Республикачилар ва Демократлар ўртасидаги мубоҳасанинг асосий мавзуи Ироқдаги вазиятдир. Бугун Намояндалар палатасининг 435 аъзоси ҳамда сенаторларнинг учдан бири сайланиши керак. Демократлар Конгресснинг ҳеч йўқ бир палатаси устидан назоратни қайтариб олмоқчи.