Грузиянинг Евро-Атлантик муносабатлар бўйича Давлат вазири Георгий Барамидзе Россиянинг грузияликларга нисбатан муносабатини “нацистларча муносабат” деб атади. Душанба куни Брюсселда чиқиш қилган Барамидзе Россия ҳукуматини “ксенофобияга берилганлик” ва “этник тозалаш сиёсати”ни ишга солганликда айблади. У бу ҳаракатларни 1930 йилларда Нацистларнинг яҳудийларга қарши қўллаган ҳаракатларига қиёслади, деб ёзади Рейтер агентлиги.
