Унинг фикрича, мавжуд шартномага кўра, эҳтиёт қисмларини тўлиқ Россиядан олгани ҳолида Ўзбекистоннинг бу самолётларни йиғиб, хорижга сотиши “йўл қўйиб бўлмас” ҳолдир. Борис Гризлов таъкидича, Ил-76 самолётининг ишлаб чиқарилишини Россияга кўчириш 2 миллиард 600 миллион рубл, яъни 97 ярим миллион АҚШ долларига тушиши мумкин. Ил-76 русумли ва умуман “Иллюшин” русуми остидаги бошқа самолётлар Тошкентдаги Чкалов авиазаводида йиғилади. Бу завод Иккинчи жаҳон уруши вақтида Россия ғарбидан Ўзбекистон пойтахтига кўчириб келтирилган эди.
