Фаластин мухторияти раиси Маҳмуд Аббоснинг вакили Набил Абу Рдейна бу келишувнинг мустаҳкамлиги ва самарадорлигини таъминлаш учун яқин кунлар ичида Фаластиндаги барча гуруҳлар билан мулоқот ўтказилиши ҳақида маълум қилди. ҲАМАС ҳаракати вакили Ғози Ҳаммад эса ҳужжатни шарҳлар экан: “Мазкур келишувнинг узоқ муддатли бўлишига умид қиламиз. Исроилнинг ўт очишни тўхтатиш нияти самимийлиги даражаси яқин 12 соат ичида аниқ бўлиб қолади”, - деди.
