Европа парламенти комиссиясининг махсус маърузачиси Клаудио Фава АҚШ Европада махфий қамоқхоналар ташкил этганидан Европа Иттифоқига аъзо давлатлар ҳукуматлари хабардор бўлганини айтди.

Шу масала юзасидан ўтказилган расмий текширув натижасида шундай хулоса чиқарилган. Клаудио Фава Европа Иттифоқининг Ташқи сиёсати мутасаддиси Хавьер Соланани комиссияга 2 май куни берган ҳисоботида бу масалани эътибордан четда қолдирганликда айблади.