Россия хавфсизлик хизматининг Лондонда шубҳали тарзда ўлган собиқ ходими Александр Литвиненконинг иши билан шуғулланган британиялик терговчилар Москвадан жўнаб кетди.

Скотланд Ярд матбуот хизмати ходимининг айтишича, Россия расмийлари британиялик терговчиларга имкон қадар ёрдам берган. Бироқ британиялик меҳмонларга гувоҳларни бевосита тергов қилишга рухсат этилмаган. Россиялик ҳамкасблари ўтказган тергов ишларида улар кузатувчи сифатида қатнашган.