АҚШ қўмондонлиги эса Ироқнинг Хадиза шаҳрида тинч аҳолини ўққа тутган америкалик бир неча ҳарбий устидан жиноят иши очди. Воқеа гувоҳларига кўра, Хадиза шаҳрида АҚШ аскарлари бомба портлаши оқибатида ўлган сафдоши учун ўч олиш мақсадида тинч аҳоли уйларига бостириб кирган ва 24 киши отиб ташлаган. Ироқликлар мазкур воқеа АҚШ ҳарбийларининг энг мудҳиш қилмишларидан бири эканини айтмоқда.
