Ўзаро ўт очишни тўхтатиш ҳақида яқиндагина эришилган навбатдаги келишувга қарамай, Иордан дарёсининг ғарбий соҳилида “Ҳамас” ва “Фатҳ” тарафдорлари ўртасида отишмалар рўй берди.

Хабарларга кўра, “Фатҳ” тарафдори “Ҳамас” жангариларига қарата ўт очган. Натижада икки киши яраланган. Ғазода эса номаълум шахс “Ҳамас” бошчилигидаги ҳукумат вазири Маҳмуд аз-Заҳр хонадонига қуролли ҳужум уюштирди. Мазкур ҳужум тафсилотлари ҳозирча ноаниқ қолмоқда.