Покистон Ташқи ишлар вазири Риёз Муҳаммад Хон Покистон- Афғонистон чегарасининг баъзи қисмларини миналаштириб, тўсиқларни ўрнатишга қарор қилинганини маълум қилди.

Қўшма Штатлар ва Афғонистон расмийлари жанггарилар Покистон ҳудудидан Афғонистонга ҳужум уюштиришда фойдаланишини айтиб келади. Лекин шунга қарамай, Афғонистон ҳукумати Покистон қабул қилган қарорни танқид қилди. Президент матбуот котиби Холиқ Аҳмад чегараларни миналаштириб, тўсиқлар ўрнатиш “ҳудудларни самарали назорат қилишга” ҳисса қўшмайди, деди.