Хитой телевидениеси хабарига кўра, Эроннинг ядровий масалалар бўйича бош музокарачиси Али Ларижоний билан учрашувда Хитой раҳбари БМТ резолюциясини Эроннинг ядровий иддаолари борасида кенг тарқалган хавотир ифодаси, дея баҳолаган. Ху Цзинтао Эроннинг ядровий дастури масаласида юзага келган қарама-қаршиликни камайтириш учун халқаро ҳамжамият дипломатик уринишларни давом эттириши кераклигини таъкидлади. Хитойга икки кунлик сафарини якунлаган Али Ларижоний Эрон бундан кейин ҳам ядровий технологиялардан тинч мақсадларда фойдаланиш қароридан қайтмаслигини яна бир бор такрорлади.
