Бу ҳақда Германияда чоп этиладиган “Фокус” журнали ёзди. Игор Пономарёв ФСБ нинг собиқ зобити Александр Литвиненко заҳарланган, деб тахмин қилинаётган сана – 1 ноябрдан икки муқаддам ўлган эди. 41 ёшли Пономарёвнинг яқинлари тахминича, у 31 октябр куни Лондонда Марио Скарамелла билан учрашишни режалаган. Скарамелла эса Литвиненко учун ахборот етказиши лозим эди, дейилмоқда. Россиялик дипломат Игор Пономарёв Россиянинг Халқаро денгиз ташкилотидаги вакили бўлиб ишлаган.