AҚШ Давлат котиби Кондолиза Райс 12 январдан Яқин Шарқ ва Европа мамлакатлари бўйлаб сафар бошлайди.

АҚШ Давлат департаментининг маълум қилишича, Яқин Шарқ сафаридан бош мақсад Исроил-Фаластин ўртасида тинч мулоқотни тиклашдир. АҚШ Давлат котиби Исроил, Фаластин мухторияти, Миср, Иордания, Қувайт ва Саудия Арабистонига боришни кўзлаган.
Кейин эса Кондолиза Райс ўз сафарини Европа давлатларида давом эттириб, Британия ва Германияга бормоқчи. Райснинг навбатдаги сафари 8 кунга мўлжалланган.