Чехияга сафар қилаётган Германия канцлери Ангела Меркел Прага расмийлари билан Европа Иттифоқининг янги конституцияси борасида музокаралар олиб боради.

ЕИнинг янги конституцияси иттифоқнинг 18 давлати томонидан ратификация қилинган, бироқ 2005 йилда Франция ва Нидерландия фуқаролари унга қарши овоз берган эди. Конституция кучга кириши учун у ЕИнинг барча аъзолари томонидан маъқулланиши шарт.