НАТО қўмондонлиги тарқатган баёнотга кўра, ҳарбийлар ҳибсга олинган шахсларни “Ал-Қоида” раҳбариятига маълумот етказиб беришда гумон қилмоқда. АҚШ ва Афғонистон расмийларининг таъкидлашича, қўшни Покистон чегарасига туташ ҳудудлар “Толибон” ва “Ал-Қоида” жангарилари маконига айланган. Бундан ташқари, Афғонистон Покистонни жангариларнинг чегарадан ўтишига имкон яратиб бераётганликда айблаб келмоқда.