Чеченистоннинг муваққат президенти Рамзан Қодиров Россия Федерал хавфсизлик хизматининг собиқ ходими Александр Литвиненко ва журналист Анна Политковскаяларнинг ўлимида Лондонда яшовчи тадбиркор Борис Березовскийни айблади.

Грозний шаҳрида ўтказилган матбуот анжуманида қилган чиқиши чоғида Қодиров, шунингдек, Чеченистондаги жанггариларни ҳам молия билан Березовский таъминлаган, деди. "Новая газета"нинг Политовскаянинг ўлими юзасидан мустақил суриштирув ўтказаётган журналистлари фикрича, Рамзан Қодиров расмий терговни нотўғри йўналишга буриб юборишга уринаяпти.