Россия ташқи ишлар вазири Сергей Лавров АҚШ Марказий Европада ракета ҳужумидан мудофаа тизими қуриш борасида Москванинг саволларига жавоб бермаганини билдирди.

Унинг сўзларига кўра, АҚШ расмийлари билан олиб борилаётган музокаралар давомида Россия Европада қурилажак мудофаа тизими тўғрисида берилган саволларнинг кўпига аниқ жавоб олганича йўқ. АҚШ ҳукуматининг Чехия ва Польшада ракета ҳужумидан мудофаа тизими қуриш режаси Россия танқидига учрамоқда. Вашингтон расмийлари бу тизим Россияга хавф солмаслигини таъкидлаб келмоқда.