Бағдод яқинидаги 700га яқин Америка ҳарбийси Дияла вилоятидаги 3,5 минг АҚШ аскари ва 20 минг Ироқ ҳарбийларга қўшилиш учун жўнаб кетди. Маълумотларга кўра, ёз фаслидан бери бу вилоятда Америка ҳарбийларига қарши ҳужумлар 70 фоизга кўпайган. АҚШ расмийларига кўра, Бағдодда хавфсизлик амалиётлари бошланишидан олдин сунний исёнчиларнинг Дияла вилоятига қочиб боргани ҳужумлар сони кўпайишига сабаб бўлган.
