Варшавага келган Германия канцлери Ангела Меркел Польша раҳбарияти билан учрашувлар чоғида АҚШнинг Польша ва Чехияда ракетадан мудофаа тизими қуриш режасини ҳам муҳокама қилиши билдирилмоқда.

Варшавага келишдан аввал А.Меркел бу тизим қурилишидан норозилик билдираётган Россия билан очиқ музокаралар олиб борилиши таклифини қўллаб-қувватлашини маълум қилди. Германия ва Россиянинг Польшани четлаб ўтиб, Болтиқ денгизи қаъридан нефть қувури тортиш режаси Германия-Польша муносабатлари совуқлашишига сабаб бўлган эди.