АҚШнинг Ироқдаги қўшинлари қўмондонлиги мамлакатда амалга оширилган бир неча қўпорувчилик амалиётини режалаштирганликда гумон қилинаётган икки фуқаро ҳибсга олинганини маълум қилди.

Қўмондонликнинг билдиришича, ҳибсга олинган шахслар томонидан уюштирилган ҳужумлар оқибатида 900 киши нобуд бўлган, икки мингга яқин фуқаро жароҳатланган. Бу шахслар АҚШ ва Ироқ ҳарбийларининг махсус амалиёти чоғида суннийлар истиқомат қилувчи Аҳмадия минтақасида ҳибсга олинган.