Асосий маросим Қуддусдаги Ҳолокост қурбонларига бағишланган Яд Вашем хотира майдонида бўлиб ўтди. Маросим бошлангандан сўнг Исроил бўйлаб барча машиналар ҳаракати икки минутга тўхтатилди ва сиреналар янгради. Польшада ҳам минглаб ёшлар Иккинчи жаҳон уруши даврида немис нацистлари томонидан яратилган Освенцим ўлим лагерига юриш қилди. Шунингдек, уруш даврида нацистлар ўлдирган олти миллиондан ортиқ яҳудий хотирасига жаҳон бўйлаб тинчлик маршлари ўтказилиши кутилмоқда.
