Улар ҳибсга олинишдан аввал Қирғизистон хавфсизлик хизмати идорасида бир неча соат давомида сўроқ қилинган эди. Мухолифатнинг президент истеъфоси ва муддатидан аввал сайлов ўтказиш талаби билан уюштирган намойиши 19 апрель куни ички ишлар ходимлари ва намойиш иштирокчилари ўртасидаги тўқнашув билан якунланганди. Пойтахтдаги тартибсизликлар оқибатида бир неча одам жароҳатланган, юзга яқин намойишчи ҳибсга олинганди.
