Болқон урушида қатнашган юзлаб собиқ серб жанггарилари агар Ғарб давлатлари таклиф қилганидек Косова мустақил давлат деб эълон қилинса, ҳарбий қисмлар тузишни ваъда қилдилар.

Ҳарбий тузилмага аъзо бўлишни хоҳлаган кўнгиллилар Белграддан 150 километр жануби-шарқда жойлашган Крусевач шаҳрига тўпландилар. Ташкилотчилар ўз қисмлари Ўрта асрдаги серб қўмондони Лазар исми билан номланишини айтдилар. Айтилишича, Лазар Усмонли турк империяси қўшинларига қарши Косовада 1389 йилда бўлган жангда серб кучларига бошчилик қилган.