Халқаро Хелсинки федерацияси Европа Иттифоқини инсон ҳуқуқлари поймол этилаётган Ўзбекистонга нисбатан қаттиққўл бўлишга чақирди. Ташкилот эълон қилган баёнотда айтилишича, ЕИ Ўзбекистон билан инсон ҳуқуқлари борасида мулоқот ўрнатишга келишиб олгани “санкциялар юмшатилишига баҳона бўлмаслиги лозим”. Қароргоҳи Венада жойлашган ташкилот таъкидича, санкцияларни юмшатиш ёки бекор қилиш учун асосий шарт ўлароқ, мамлакатдаги инсон ҳуқуқлари вазиятини яхшилаш сари аниқ қадамларнинг қўйилиши талаб этилиши даркор.
