Арманистон ва Озарбойжон ўзаро муносабатларни яхшиламоқда.

Хабарларга кўра, ўзаро муносабатларни яхшилаш мақсадида сўнгги 13 йил ичида илк бора икки давлат расмийлари Арманистон ва Озарбойжон пойтахтларига ташриф буюрган. Арманистон президенти Роберт Кочарян озарбойжонликларни қабул қилган бўлса, Бокуда Илҳом Алиев Арманистон делегацияси билан учрашган.

Тоғли Қорабоғнинг Озарбойжондан ажралиб чиқишига сабаб бўлган уруш туфайли икки давлат ўртасидаги ўзаро алоқалар тўхтаб қолган эди.