Еврокомиссия Украинанинг ЕИга аъзо бўлиш истиқболлари ҳақида ҳозирча баёнот бериш ниятида эмаслигини маълум қилди.

Еврокомиссия аъзоси Янез Поточникнинг айтишича, ЕИ Украина билан муносабатлар қайси йўлдан боришини “олдиндан белгиламоқчи” эмас.

Пайшанба куни Европа парламенти ЕИни Украина билан ўзаро ҳамкорликнинг якуний мақсади бу мамлакатнинг тузилмага аъзо бўлиши эканини эътироф этишга чақирилган резолюция лойиҳасини муҳокама қилди.