Самарра шаҳридаги шиалар масжидига ҳужум уюштиргани айтиладиган Ҳайтам ал-Бадирий ўлдирилди.

Ироқ Ички ишлар вазирлиги хабарига кўра, Ҳайтам ас-Сабоҳ номи билан ҳам танилган Ҳайтам ал-Бадирий Ироқ ва АҚШ кучлари ҳамкорликда Самарра шаҳри яқинида ўтказган амалиёт пайтида йўқ қилинган.

Бадирий 2006 йил февралда Ал-Асқарий масжидида амалга оширилган портлашдан буён қидирувда эди. Ўша портлашдан кейин бутун Ироқ бўйлаб диний низолар кучайиб кетганди.